Ili Dolqunliri - Roman - 2- qisim

Цитата:
yazghuchi abduraxman qahar 1936 - yili ghulja shehirining boynikësik mehelliside yaghachchi ailiside dunyagha keldi. 1953 - yilighiche bashlan'ghuch we ottura mekteplerde oqudi. 1953 - yili küzde shinjang inistitutining til - edebiyat fakultëtigha oqushqa kirip, Mektepni 1956 - yili püttürüp, Ürümchi 2 - darilmuelliminde, Maarip nazaritining bilim ashurush bölümide, Radiyo sifen dashöside ishlidi. 1961 - yili ghuljigha yötkilip awwal ghulja darilmuelliminde, 1978 - yilidin bashlap ili pëdagogika inistitutida til - edebiyat oqutquchisi boldi. 1989 - yili junggo yazghuchilar jemiyiti shinjang shöbisining kespiy yazghuchisi bolup, Mexsusla ijadiy turmushni bashlidi. abduraxman qahar junggo yazghuchilar jemiyitining we junggo yazghuchilar jemiyiti shinjang shöbisining ezasi.

abduraxman qahar bashlan'ghuch mektepte oqup yürgen chaghlirida edebiyatqa qiziqip qaldi. buningda bir qanche türlük seweb bar idi. biri, Uning oqutquchiliri manap qadiri, Abdusopurlar közge körün'gen ediblerdin bolup, Ular xëli mol bilimge ige idi, Ular yëziqchiliq dersi ötken chaghlirida, Yazghuchilarning ijadiy paaliyetliri toghrisida qiziqarliq hëkayilerni sözlep bëretti, Oqughuchilargha shëirlarni yadlitatti; ikkinchi, Ailining tesirimu zor boldi. uning akisi tursun qahar pishqedem shairlardin biri idi. u öyde shëir yazghanlirida, Bezide ünlük dëklamatsiye qilatti. uning köp kitabliri, Özi köchürüp teyyarlighan bir qanche qol yazmilar toplimi bar idi. u abduraxmanning edebiyatqa bolghan zoqmenlikini bilgendin këyin, Uninggha her küni on besh - yigirme kuplët shëir yadlashni tapshuridighan, Waqti - waqtida süylep yadqa oqutidighan bolghanidi; üchinchi, 1944 - yili ghuljida gomindanggha qarshi inqilab partlap, 1945 - yili 10 - ayda üch wilayet gomindang eksiyetchilirining qanliq zulmining asaritidin qutuldi. bu azad rayonlarda medeniyet, Edebiyat - senet ishliri jush urup rawajlandi, Gëzit - zhurnallar neshir qilindi. sowët ittipaqidinmu köpligen edebiy kitablar kirgüzüldi, Kishiler arisida kitab oqush we her xil edebiy paaliyetler köpeydi.

yuqiriqidek sewebler gödek abduraxmanning qelbige edebiyat uruqini chachti. bu uruq bixlighan chaghlarda u zunun qadir, Ömer muhemmidi, Ismail sattarow, Qadir hesenlerning eserlirini, Sedirdin eyni, Gorgiy, Abdulla toqay, Aybëk, Abay, Pushkin, Chixow qatarliq her millet yazghuchilirining shëir, Dastan, Hëkaye, Powëst, Romanlirini oqup ülgürgen hemde ulardin meniwi ozuq ëlip, Edebiy ijadiyet bilen shughullinishqa xëlila puxta asas sëliwalghanidi. 1953 - yili abduraxman qaharning hayatida untulghusiz chagh boldi, ‹‹shinjang edebiyat - seniti›› (hazirqi ‹‹tarim››) zhurnilining 12 - sanida uning tunji shëiri ‹‹bextimiz küldi›› jamaetchilik bilen yüz körüshti. shair özining bu tunji shëirida kommunistik partiyening shinjang xelqige bext ëlip kelgenlikini medhiyelep, Xelqning zulum - asarettin, Qarangghu - zulmettin ebedilebet qutulghanliqigha tentene qilghanidi.

abduraxman qahar edebiy ijadiyette gödeklik, Qiranliq chaghlirini bashtin kechürüp, Xëli mol mëwe bergen yazghuchigha aylandi, Nurghunlighan shëir, Hëkaye, Powëst we ‹‹ili dolqunliri›› (ikki tomluq) qatarliq romanlarni yazdi. uning ‹‹ili deryasi››, ‹‹kel shair›› dëgendek shëirliri, ‹‹kichik yol bashlighuchi››, ‹‹emet haji›› qatarliq hëkayiliri we ‹‹ili dolqunliri›› qatarliq romanliri keng kitabxanlarning yaxshi bahasigha ërishti. ‹‹kechür mëni, Nazaket›› dëgen powësti xëli ghulghula qozghidi.

abduraxman qahar 1957 - yili ‹‹ana wesiyiti››, ‹‹nizamidunning ishi››, ‹‹hesret›› namliq hëkayilirining ëlan qilinishidin bashlap, Özining diqqet - ëtibarini piroza ijadiyitige qaratti.

abduraxman qaharning powësti ‹‹kechür mëni, Nazaket›› ning asasiy muweppeqiyiti turmush chinliqi bilen tarixiy rëalliqni yarqin obrazlar arqiliq eks ettürüp bëreligenlikide.

abduraxman qaharning ‹‹üch wilayet inqilabi›› ni tëma qilip yazghan ‹‹ili dolqunliri›› romani keng jamaetchilikning alqishigha ërishti. bu roman 1989 - yili yëngi dewr munewwer edebiy eserler mukapatigha ërishti.

biz uning tënige salametlik, Ijadiyitige utuq tileymiz!
( Muherrir : Sheripe )

Поделитесь записью в соцсетях с помощью кнопок: