Иоганн Вольфанг Гёте. Тандалган ырлар

Цитата:
Атактуу немис ойчулу, акыны Иоганн Вольфанг Геттенин кыргыз тилине которулуп чыккан ырлар жыйнагы.
Түзгөн Мырзаян Төлөмүшев.

Иоганн Вольфганг ГЕТЕ
(1749-1832), немис акыны

Жай иштесең, тыныгуусуз тырбаңдайсың.
***
Оюңда эмне болсо ага толгон-токой далил кыпчып буйтаңдатпай, дайыма түз айт. Канчалык көрүнгөн далилди келтирсең, баарыбир айткан-дегениң көп сөзгө айланып, сага кулак түргөндөр пикириңди да, далилиңди да укпайт.
***
Чындык карама-каршы эки пикирдин ортосунда дешет. Ишенбейм! Экөөнүн ортосунда балээден башка эчнерсе жок.
***
Чындыкка караганда катачылыкты оңой табасың.
***
Эгер өлүмдү таптакыр жоюуга мүмкүн болсо, ага эчбир жан каршы чыкмак эмес. А өлүм жазасын таптакыр жоюуга мүмкүн десекчи? Мүмкүн болгон күнү деле акыры аны баарибир калыбына келтирүүгө аргасыз болобуз.
***
Эчкачан жаңылбаган адамдар да бар, себеби алар эчкачан бирнерсе кылгылары келбейт.
***
Билимсиз кезде эмес, билимдүү болгон сайын билимиңден шектене бересиң.
***
Ким өтө билимдүү, көпчүлүк ага карама-каршы болору алдынала белгилүү.
***
Арким өзүнө керектүү кепти гана кулагына куят.
***
Арким өзүнүн жарытпаган акылы менен башкаларды да өзүндөй тарбиялаганга кыйын.
***
Адамдар кантип өзүн өзү тааныйт? Четте карап турбай, билегин түрүнүп ишке шымаланганда гана. Ишти баштап көр, өзүңдүн ким экениңди дароо билесиң.
***
Биринчи топчусун туура эмес бүчүлөгөн адам, кийинкилерин да туура эмес бүчүлөйт.
***
Лирика майда-чүйдөсүнө чейин аз-аз жөнөкөй болушу керек.
***
Жаштык - бир заматта айыккан оорудай.
***
Бизди бийикке чыккан тепкичтер эмес, бийиктик азгырат. Ага төмөндөн өйдө карайбыз да, бийикке жетчү жол түз болсо не дейбиз.
***
Айрым китептер окурман бирдеңке алсын үчүн эмес, болгону автору көнүгүү иретинде жарыкка чыгарган дөдөмөлдөр.
***
Айрым акындар дайыма өздөрүнүн таманын өздөрү соргон аюга окшош.
***
Көпчүлүктөн өткөн итиркейимди келтирген нерсе жок.
***
Башкаруучу болуш оңой, башчы болуш кыйын.
***
Жашообуздун поэзиясы - ырым-жырымдар.
***
Бактылуу адам укмуштун укмушуна да таңгалбайт.
***
Чынчыл болууга убада берем, бирок адилеттүү болууга эмес.

Поделитесь записью в соцсетях с помощью кнопок: