Kaykovus. Qobusnoma

Цитата:
"Qobusnoma" asari Sharq xalqlari orasida ma’lum va mashhur. Mo‘jaz rivoyatlar, ixcham latifalar, kichik-kichik hikoyatlar kitobning yanada jozibali, kitobxonni o‘ziga jalb etadigan darajada boy mazmunga ega bo‘lishini ta’minlagan. „Qobusnoma“ asarining fazilatlari cheksiz: unda ham jismoniy, ham aqliy tarbiyaning hamma qirralari o‘ta zukkolik bilan tahlil qilinadi. Sharq mutafakkirlarining pedagogikaga oid asarlarini o‘rganar ekanmiz, ularda har bir ta’limiy-tarbiyaviy masala bilan uzviy ravishda bog‘langan hikoyat keltiriladi. Bu hikoyatlar asarning ham g‘oyaviy, ham badiiy yuksakligini ta’minlagan.
Insonparvarlik va axloqiy poklik asarga singib ketgan bo‘lib, ular nafaqat bilim olishda ahamiyat kasb etadi, balki davrning ham ilg‘or g‘oyalarini aks ettiradi.
S. Dolimov tomonidan tayyorlangan mazkur asarning avvalgi uch nashrida kirish qism va bir necha boblar katta qisqartirishlar bilan berilgan edi. Ushbu nashr esa kirish qismidan boshlab barcha 44 bobni o‘z ichiga olgan. Kitobga O‘zbekiston Fanlar akademiyasi, Sharqshunoslik institutida saqlanayotgan Ogahiyning tarjima qo‘lyozmasi asos qilib olingan.
"Qobusnoma"ning nashr etilishi bugungi kunda juda dolzarbdir, zero insoniy g‘oyalarni tarbiyalash adolatli jamiyat qurish asosini tashkil etadi.
Kitob keng kitobxonlar ommasiga mo‘ljallangan bo‘lib, ayniqsa ma’naviyat masalalari bilan shug‘ullanuvchilarga juda foydalidir.

Поделитесь записью в соцсетях с помощью кнопок: