O'ljas Sulaymonov.Aylanayin.She'rlar va doston

Цитата:
Ўлжас Сулаймонов 1936 йилда Олма-Ота шаҳрида туғилган.У русийзабон ижодкор сифатида танилган.У ўзининг адабий фаолиятини 1955 йилда бошлаган. Ўлжас Сулаймонов кўплаб шеърий ва насрий асарлар муаллифи.
Адиб сценарийси асосида бир неча фильм суратга олинган.Ўлжас Сулаймонов Шўролар Иттифоқида кўзга кўринган публицист сифатида ҳам танилган эди.Ўлжас Сулаймоновнинг рус тилига, Россия тарихига туркий сўзлар, туркий ибораларнинг таъсирига бағишланган "Аз и Я" асари қаттиқ танқидларга сабаб бўлган. Айрим рус зиёлилари уни Шўролар давридаги "пантуркизм", "миллатчилик" айбловлари билан айблайдилар.1976 йилда Шўролар Иттифоқи Коммунистик партияси арказий қўмитаси китобни савдо расталаридан йиғиб олиш, китобни нашр этган муҳаррирни ишдан ҳайдашга махсус буйруқ чиқаради. Ўлжас Сулаймонов асарларини эълон қилиш тақиқланади.
Қозоғистон Компартияси раҳбари Динмуҳаммад Кунаевнинг Леонид Ильич Брежневга ёзган хатидан кейин яна адибга ёруғлик тегади.1989 йилда Ўлжас Сулаймонов СССР халқ депутати этиб сайланади ва Қозоғистон ҳудудида ядровий қуроллар синовини тўхтатиш мақсадидаги "Невада-Семипалатинск" аксилядро ҳаракатини барпо этади.
Ушбу ҳаракат таъсирида 1991 йилда Қозоғистондаги Семипалатинск ядро полигони ёпилади, Қозоғистон ядровий қуролдан холи худуд деб эълон қилинади.
Бугунги кунда Ўлжас Сулаймонов Қозоғистоннинг ЮНЕСКОдаги элчиси сифатида фаолият юритмоқда.
Ўлжас Сулаймонов ҳозир ҳам туркий сўзларнинг келиб чиқиши мавзусидаги тадқиқотларини давом эттираётганини айтади.

Taniqli qozoq adibi O’ljas Sulaymonov 1936 yil 18 mayda Qozog‘istonning Olmaota shahrida tug‘ilgan. Otasi Umar harbiy xizmatchi edi. O’. Sulaymonov dastlab ruscha maktabda, so‘ngra Qozog‘iston Davlat universitetining geologiya fakultetida o‘qigan. U 1961 yilda Moskvadagi M.Gorkiy nomli Jahon adabiyoti institutida ham o‘qidi, 1962-1971 yillarda «Qozoqfilm» studiyasida bosh muharrir, «Prostor» jurnali bo‘lim mudiri, 1972 yildan boshlab Qozog‘iston Respublikasi Yozuvchilar uyushmasi boshqaruvi kotibi lavozimida ishladi. Qozog‘istonning Italiyadagi elchisi sifatida faoliyat ko‘rsatdi. Hozirgi paytda O’ljas Sulaymonov turli-tuman rasmiy hamda jamoatchilik vazifalarini bajarmoqda. U rus tilida ijod qiladi, lekin qozoq xalqiga xos milliy xususiyatlarni, urf-odatlarni yaxshi biladi.

Asarlari: «Arg‘umoqlar» (1961, birinchi asari), «Quyoshli tunlar», «Ajoyib tun», «Sharofatli vaqtlar», «Maymun yili», «Loy kitob», «Olovning ko‘chishi», «Yumaloq yulduz», «Az i Ya», «Qoyilmisan insonga, zamin» va boshq.

Поделитесь записью в соцсетях с помощью кнопок: