Священный Коран на казахском языке / Quran Kerim qazaq tilida

Цитата:
Бісміллаһір- Рахманір-Рахим
«Негізінен осы Құран ең тура жолға бастайды.»(17-С.9-А) Толық мақтау әлемдердің Раббы, Аллаға тән. Елшілердің ардақтысы Мұхаммедке, үй-ішіне және барлық жолдастарына Алланың игілігі және сәлемі болсын! Шарапатты екі Харамның қызметкері Фаһд патшаның (Оны Алла игілігімен қорғасын!) Алланың құрметті Кітабының басылымы және Мұсылмандардың қолдарына тию, мағыналарының бөгде тілдерге аударылу жұмыстарын оңайластыруға байланысты нұсқаулары бойынша бұл елеулі мақсат және көзқарас Медине Мұнаууарадағы «Фаһд Патшаның Құран Шәриф басылым Комбинатының» бас хатшысы мен «Дүние Жүзілік Ислам Бірлігі» (Рабыта) қоғамының бас хатшысы арасында Құран Шәрифтің мағыналарын Мұсылмандар сөйлейтін әр түрлі тілдерде басылымы олардың мағынасын білмей тек қана ғибадат үшін оқу жағдайында қалмаулары көз алдыға ұсталып, Ислам мемлекеттеріндегі тәпсір ғалымдарын бірараға келтіріп солардан пайдалану жұмысы жүзеге асырылды. Алла тағаланың : «Шын мәнінде мүміндер бауырлас қой.», - деген аятына сенім артқан бойда діни міндет деп сезіп, осы Құранды және қазақша аудармасын ұсынып отырмыз. Шарапатты екі Харамның қызметкері Ұлы Алланың Кітабын таратушы Фаһд патша Абдүлғазіз ұлы сауд семьясы (Алла оны қорғасын!) Басылымына әмір берді. Бұл Құран Шәрифтің қазақша аудармасын ардақты Халифа Алтай орындады. Оны ұстаз Дәлелхан Жаналтай көзден кешірді. Және бұған Меккедегі Дүние Жүзілік Ислам бірлігі (Рабыта) қоғамы келісім берді. Бұл арқылы Қазақстандағы әрі басқа жерлердегі қазақша сөйлейтін Мұсылмандардың бұдан тура жол нұрын түсінулерін және имандарының күшейіп Мұсылманшылықтарының нығайып сондай- ақ дүние ахиретте ахуалдарының түзелуін үміт етеміз. Ең тура жолға ұластырушы Алла.

Поделитесь записью в соцсетях с помощью кнопок: